全職獵人慈善讀友會 — 久保 Meet & Greet Jimlly Jewellery
嚟緊9月8號同9月15號兩個星期六，我會喺Jimlly Jewellery舉辦六場讀友會，希望藉住今次機會同支持我嘅讀者見過面傾吓計。多謝店主借出場地比我放肆咁樣用咗佢兩個星期六黃金時間去舉辦呢個活動。又一定要多謝你哋幾乎每隔一段時間就問我：「幾時可以同你見面？」
其實當初我用得筆名就真係好想好低調咁樣去經營「全職獵人」。呢一年半以來遇到好多伯樂，又透過呢個平台認識咗好多新朋友；人生充滿驚喜，我當初冇諗過自己本書可以上到銷量榜，都係多得每一個你/妳真金白銀攞錢去支持：去咗三間書店都買唔到再鍥而不捨咁樣去搵第四間書店，銅鑼灣誠品買唔到就即刻搭船去尖沙咀買；自己買完又介紹朋友買又或者自己買幾本送俾朋友；甚至仲有中學生用零用錢去買.....真心感動。我好想藉住今次機會去多謝每一個你/妳。...
See More
Search